യു.ആര്‍. പ്രദീപ് സഗൗരവവും രാഹുല്‍ മാങ്കൂട്ടത്തില്‍ ദൈവ നാമത്തിലുമാണ് സത്യപ്രതിജ്ഞ ചെയ്തത്. മുഖ്യമന്ത്രി പിണറായി വിജയന്‍, പ്രതിപക്ഷ നേതാവ് വി.ഡി. സതീശന്‍, നിയമസഭാ അംഗങ്ങള്‍, ഇരുവരുടെയും കുടുംബാംഗങ്ങള്‍ തുടങ്ങിയവര്‍ ചടങ്ങില്‍ പങ്കെടുത്തു.
യു.ആര്‍. പ്രദീപിന് രണ്ടാംവരവിന് 12,201 വോട്ടുകളുടെ ഭൂരിപക്ഷം
യു.ആര്‍. പ്രദീപ് രണ്ടാം തവണയാണ് നിയമസഭയിലേക്ക് തെരഞ്ഞെടുക്കപ്പെടുന്നത്. 64,259 വോട്ടുകള്‍ നേടിയ പ്രദീപ്, മുന്‍ വിജയത്തെ അപേക്ഷിച്ച് തിളക്കമാര്‍ന്ന വിജയമാണ് നേടിയത്. 2016-ല്‍ ആദ്യമായി എംഎല്‍എയാകുന്ന പങ്കാളിത്തം നേടിയത് കൂടിയാണ്.
രാഹുലിന്‍റെ കന്നിയങ്ക, റെക്കോര്‍ഡ് ഭൂരിപക്ഷം
പാലക്കാട് മണ്ഡലത്തിലെ ഉപതിരഞ്ഞെടുപ്പില്‍ റെക്കോര്‍ഡ് 18,724 വോട്ടുകളുടെ ഭൂരിപക്ഷത്തോടെ രാഹുല്‍ മാങ്കൂട്ടത്തില്‍ ജയിച്ചു. ബിജെപിയുടെ സി. കൃഷ്ണകുമാറാണ് രണ്ടാം സ്ഥാനത്തെത്തിയത്. എല്‍ഡിഎഫ് സ്ഥാനാര്‍ഥി പി. സരിന്‍ മൂന്നാം സ്ഥാനത്തായിരുന്നു. ബിജെപിയുടെ ശക്തി കേന്ദ്രങ്ങളില്‍ പോലും ആധിപത്യം നേടിയ രാഹുല്‍, യുവജനത്തിന് മാതൃകയായ വിജയമാണ് കൈവരിച്ചത്.
ചേലക്കരയിലെ മുന്‍ എംഎല്‍എ കെ. രാധാകൃഷ്ണനും പാലക്കാടിലെ മുന്‍ എംഎല്‍എ ഷാഫി പറമ്പിലും ലോക്‌സഭാ തിരഞ്ഞെടുപ്പില്‍ വിജയിച്ചതിനെ തുടര്‍ന്ന് നടന്ന ഉപതിരഞ്ഞെടുപ്പുകളിലാണ് പുതിയ എംഎല്‍എമാരുടെ തെരഞ്ഞെടുപ്പ്.
