കഴിഞ്ഞ തിങ്കളാഴ്ച രാവിലെ പത്തരയോടെയാണ് ജാബിർ ജൂവലറിയിൽ എത്തിയത്. മാല വാങ്ങാനെന്ന വ്യാജേന എത്തിയ ഇയാൾ, സെയിൽസ്മാന്റെ ശ്രദ്ധയിൽ നിന്ന് മറഞ്ഞുനിന്നുകൊണ്ട് ഒരു മാല പോക്കറ്റിലാക്കി. പിന്നീട് മൂന്ന് മാലകൾ ഇഷ്ടപ്പെട്ടെന്നും മാറ്റി വെക്കണമെന്നും പറഞ്ഞ് സ്ഥലം വിട്ടു. എന്നാൽ പിന്നീട് ഇയാൾ തിരിച്ചുവന്നില്ല.
ജൂവലറി ജീവനക്കാർ വൈകീട്ട് സ്റ്റോക്ക് എടുക്കുന്നതിനിടയിലാണ് ആഭരണം നഷ്ടമായത് തിരിച്ചറിഞ്ഞത്. തുടർന്ന് നടക്കാവ് പോലീസിൽ പരാതി നൽകി. ജൂവലറിയിലെ സിസിടിവി ദൃശ്യങ്ങൾ പരിശോധിച്ച പൊലീസ്, ജാബിറിനെ തിരിച്ചറിഞ്ഞ് മലപ്പുറത്ത് നിന്ന് പിടികൂടി.
പൊലീസ് പറയുന്നതനുസരിച്ച്, ജാബിർ തന്ത്രപൂർവ്വം ആസൂത്രണം ചെയ്ത ഒരു മോഷണമാണ് നടത്തിയിരിക്കുന്നത്. തെളിവെടുപ്പ് പൂർത്തിയാക്കിയ ശേഷം പ്രതിയെ കോടതിയിൽ ഹാജരാക്കും.
