ശനിയാഴ്ച മുതൽ കടയിൽ വരാതായതോടെ ജീവനക്കാർ വീട്ടിലെത്തി അന്വേഷിച്ചപ്പോഴാണ് രാമചന്ദ്രനെ മരിച്ച നിലയിൽ കണ്ടെത്തിയത്. വിളിച്ചിട്ടും അനക്കമില്ലാതിരുന്നതോടെ വീട്ടിനുള്ളിൽ കയറി പരിശോധിച്ച സമയത്താണ് മൃതദേഹം കണ്ടെത്തിയത്. രക്തം ഛർദ്ദിച്ച നിലയിലായിരുന്നു മൃതദേഹം. ഈ സമയം വീട്ടിൽ ആരുമുണ്ടായിരുന്നില്ല.
പിന്നീട് മെഡിക്കൽ ഷോപ്പ് ജീവനക്കാർ വിവരം അറിയിച്ചതിനെ തുടർന്ന് താമരശ്ശേരി പൊലീസ് സ്ഥലത്തെത്തി തുടർ നടപടികൾ സ്വീകരിച്ചു. വാസന്തിയാണ് രാമചന്ദ്രൻ നായരുടെ ഭാര്യ. മകൾ: സിമി.
മരണകാരണം ഇതുവരെ അറിയില്ല. പോസ്റ്റ്‌മോർട്ടം റിപ്പോർട്ട് ലഭിച്ച ശേഷം മാത്രമേ കാരണം വ്യക്തമാകൂ എന്നാണ് പൊലീസ് അറിയിച്ചത്.
