തിരുവമ്പാടി ബീവറേജ് ഔട്ട്ലൈറ്റിൽ മോഷണശ്രമം: ചുമർ തുരന്ന് മോഷ്ടാവ് അകത്തുകയറി

തിരുവമ്പാടി: തിരുവമ്പാടി ബീവറേജ് ഔട്ട്ലൈറ്റിൽ വീണ്ടും മോഷണശ്രമം. ബീവറേജ് ഔട്ട്ലൈറ്റ് പ്രവർത്തിക്കുന്ന ബിൽഡിംഗിന്റെ പിറകുവശത്തെ ചുമർ തുരന്ന് മോഷ്ടാവ് അകത്തുകയറി. ഇന്ന് രാവിലെയാണ് ഔട്ട്ലെറ്റിലെ ജീവനക്കാർ എത്തി മോഷണശ്രമം നടന്നതായി ശ്രദ്ധയിൽപ്പെട്ടത്. പ്രീമിയം കൗണ്ടറിന്റെ ചുമർ തകർന്ന നിലയിലായാണ് കണ്ടെത്തിയത്.

മോഷ്ടാവ് കയറികൂടിയെങ്കിലും പണവും മദ്യകുപ്പികളും നഷ്ടപ്പെട്ടിട്ടുണ്ടോ എന്ന കാര്യം ഇതുവരെയറിഞ്ഞിട്ടില്ല. കോഴിക്കോട് നിന്നും ഉദ്യോഗസ്ഥർ എത്തി ഔട്ട്ലൈറ്റിലെ സ്റ്റോക്ക് പരിശോധിച്ച ശേഷമേ യഥാർത്ഥ നഷ്ടം കണ്ടെത്താൻ സാധിക്കൂ. അതുവരെ ഔട്ട്ലൈറ്റ് പ്രവർത്തനം പുനഃസ്ഥാപിക്കില്ലെന്നാണ് ജീവനക്കാരുടെ പ്രതികരണം. 

 2022 സെപ്റ്റംബർ 28-നു  സമാനമായ സംഭവം നടന്നിരുന്നു. അതേസമയം, അന്ന് ഉണ്ടായിരുന്ന സെക്യൂരിറ്റി ജീവനക്കാരെ കോർപ്പറേഷന്റെ ഇടപെടലിനെ തുടർന്ന് ഒഴിവാക്കിയിരുന്നു. 

തിരുവമ്പാടി പോലീസ്, എക്സൈസ് ഉദ്യോഗസ്ഥർ എന്നിവർ സ്ഥലത്തെത്തി സിസിടിവി ദൃശ്യങ്ങൾ അടക്കമുള്ളവ പരിശോധിച്ചുതുടങ്ങി. സംഭവത്തിൽ വിശദമായ അന്വേഷണം ആരംഭിച്ചിരിക്കുകയാണ്.